TN-07 ఫలితాలు : రిపబ్లికన్ పార్టీకి పెద్ద వార్నింగ్ బెల్!

డిసెంబర్  2న  టెన్నెస్సీలో జరిగిన స్పెషల్ ఎలక్షన్ (TN-07) ఫలితాలు చూసి, “అబ్బే, రిపబ్లికన్లే గెలిచారు కదా, సేమ్ టు సేమ్, పెద్ద మార్పేం లేదు” అనుకుంటే మాత్రం మనం పప్పులో కాలేసినట్టే. పైకి అంతా మామూలుగానే అనిపించొచ్చు, కానీ లోపల నంబర్స్ చూస్తే మాత్రం రిపబ్లికన్ పార్టీకి ఫ్యూచర్లో పెద్ద గండం పొంచి ఉందని క్లియర్ గా తెలుస్తోంది.

ఈ ఫలితాల వెనుక ఉన్న అసలు కథ ఏంటో, ఇది 2026 ఎన్నికలపై ఎలాంటి ప్రభావం చూపిస్తుందో సింపుల్ గా చూద్దాం.

అసలు ఏం జరిగింది? (The Math)

2024లో ఇదే సీటుని రిపబ్లికన్లు 22% మెజారిటీతో గెలుచుకున్నారు. ట్రంప్ గాలి కూడా గట్టిగా వీచింది. కానీ నిన్న జరిగిన ఎలక్షన్లో, రిపబ్లికన్ అభ్యర్థి మాట్ వాన్ ఎప్స్ (Matt Van Epps) కేవలం 8.9% తేడాతో మాత్రమే గెలిచారు.

దీని అర్థం ఏంటంటే… కేవలం ఒక్క ఏడాదిలో దాదాపు 13% ఓట్లు రిపబ్లికన్ల నుంచి డెమోక్రాట్ల వైపు మళ్ళాయి (13-point swing). ఒక కంచుకోట లాంటి “Safe Seat” లోనే పరిస్థితి ఇలా ఉంటే, ఇక పోటీ నువ్వా-నేనా అన్నట్టు ఉండే సీట్ల పరిస్థితి ఏంటి?

ఎవరికి ముప్పు? (Who is at Risk?)

ఈ 13% స్వింగ్ ని బేస్ చేసుకుని, ప్రస్తుతం కాంగ్రెస్ లో తక్కువ మెజారిటీతో నెట్టుకొస్తున్న 34 మంది రిపబ్లికన్ల పరిస్థితిని అంచనా వేస్తే… రిజల్ట్స్ భయపెట్టేలా ఉన్నాయి.

• డేంజర్ జోన్ (23 మంది): దాదాపు 23 మంది రిపబ్లికన్ ఎంపీలు 2024లో 9% కంటే తక్కువ మెజారిటీతో గెలిచారు. టెన్నెస్సీ లాంటి సేఫ్ ప్లేస్ లోనే 13% ఓట్లు తగ్గితే, వీళ్ళ సీట్లు గల్లంతు అవ్వడం ఖాయం. డాన్ బేకన్ (Don Bacon), డేవిడ్ వలడా (David Valadao) లాంటి సీనియర్లు ఇంటికి వెళ్లాల్సిందే.
• కొత్త తలనొప్పులు (10 మంది): ఇంతకుముందు “మాకేం ఢోకా లేదు, మేం సేఫ్” అనుకున్న మరో 10 మంది కూడా ఇప్పుడు డేంజర్ జోన్ లోకి వచ్చేశారు. బ్రయాన్ స్టెయిల్ (Bryan Steil), యంగ్ కిమ్ (Young Kim) లాంటి వాళ్ళకి 10-12% మెజారిటీ ఉంది. కానీ ఈ 13% వేవ్ కనుక వస్తే, వీళ్ళు కూడా ఓడిపోయే ఛాన్స్ ఉంది.
• ఒక్కరే సేఫ్: ఈ లిస్ట్ లో ఉన్న 34 మందిలో, కేవలం మోనికా డె లా క్రూజ్ (Monica De La Cruz) మాత్రమే 14% మెజారిటీతో ఉన్నారు. ఈ సునామీ వచ్చినా కూడా ఆవిడ జస్ట్ 1% తేడాతో బయటపడొచ్చు. మిగతా అందరూ డేంజర్ లోనే!

ఇప్పుడు కాంగ్రెస్ లో ఏం జరుగుతుంది?

ఈ ఫలితం 2026లో ఎప్పుడో వచ్చే ముప్పు కాదు, ఇప్పుడే కాంగ్రెస్ లో ప్రకంపనలు సృష్టిస్తుంది. ఇప్పటిదాకా ట్రంప్ భయంతోనో, పార్టీ లాయల్టీతోనో సైలెంట్ గా ఉన్న రిపబ్లికన్ ఎంపీలు ఇప్పుడు ప్లేట్ ఫిరాయిస్తారు. మనం ఇప్పుడు “సర్వైవల్ మోడ్” (Survivalist Republican) ని చూడబోతున్నాం.

1. వైట్ హౌస్ కి చెక్: ఇకపై ట్రంప్ అడ్మినిస్ట్రేషన్ చెప్పిన ప్రతిదానికి వీళ్ళు తలూపరు. తమ సొంత నియోజకవర్గంలో ఓటర్లకి కోపం తెప్పించే పనులు (టారిఫ్లు పెంచడం, లోకల్ ఫండింగ్ తగ్గించడం లాంటివి) చేయడానికి అస్సలు ఒప్పుకోరు. ఎందుకంటే వాళ్ళకి మళ్ళీ గెలవాలి కదా!
2. షో అఫ్ ఇండిపెండెన్స్: “నేను ఇండిపెండెంట్, వైట్ హౌస్ కి రబ్బర్ స్టాంప్ ని కాదు” అని చూపించుకోవడానికి, వీళ్ళు డెమోక్రాట్లతో కలిసి ఓట్లు వేసినా, లేదా సొంత పార్టీకే షాక్ ఇచ్చినా ఆశ్చర్యపోనక్కర్లేదు.
3. గ్రిడ్ లాక్ (Gridlock): ఒకపక్క ఫ్రీడం కాకస్ (Freedom Caucus) ఏమో “మేం చెప్పిందే వేదం” అంటారు. మరోపక్క ఈ డేంజర్ జోన్ లో ఉన్నవారేమో “అమ్మో మా వల్ల కాదు, ఓటర్లు కొడతారు” అంటారు. దీనివల్ల ఏ బిల్లు పాస్ అవ్వక సభ స్తంభించిపోయే ప్రమాదం ఉంది.

చివర గా…

TN-07 ఫలితం సీట్ల సంఖ్యను మార్చకపోవచ్చు, కానీ వాషింగ్టన్ లో రిపబ్లికన్ల మైండ్ సెట్ ని మార్చేసింది. ఇన్నాళ్ళూ ప్రెసిడెంట్ అంటే భయం ఉండేది, ఇప్పుడు ఓటర్లంటే భయం మొదలైంది. రిపబ్లికన్ మెజారిటీకి అసలైన పరీక్ష నిన్నే మొదలైంది.

#TN07 #USPolitics #వార్నింగ్బెల్ #అమెరికాఎన్నికలు #MikeJohnson #HakeemJeffries #2026Midterms #GOP #Democrats #PoliticalAnalysis #రాజకీయవిశ్లేషణ #TennesseeElection #రిపబ్లికన్లకుషాక్